Contratación Toxo + Filmin

Con Filmin agárdante máis de 500 series e 10.000 películas de cinema independente, galego, cinema de festivais, estreas, clásicos, documentais e musicais. Ademais, conta cunha sección infantil e para toda a familia.

A plataforma está integrada en Agile TV e podes desfrutala esteas onde esteas no teu móbil, tableta (Android, iOS), ordenador (PC, Mac), PlayStation e moitos outros dispositivos, cun máximo de 5 perfís e 2 reproducións simultáneas.

As tarifas de Toxo con Filmin teñen unha duración inicial de 12 meses. Durante este período, gozarás dos nosos servizos de telecomunicacións e da subscrición a Filmin. Unha vez rematados os 12 meses, o prezo da tarifa axustarase á modalidade sen Filmin. A túa subscrición a Filmin manterase activa e pasará a ser facturada directamente por Filmin, cun 10% de desconto exclusivo por seres cliente de Toxo, sen necesidade de realizar ningunha xestión adicional pola túa parte.

Unha vez se confirme a activación do servizo de Fibra e Móbil ou só Móbil, recibirás un correo electrónico cun código de activación e as instrucións detalladas para activar Filmin facilmente.

Se xa tes unha conta de Filmin, só terás que activar o código que che facilitaremos. Durante os próximos 12 meses, Filmin non che cobrará polo servizo, xa que estará integrado na túa factura de Toxo. Ademais, gozarás dun 10% de desconto na túa subscrición unha vez rematen os 12 meses, se decides continuar co servizo directamente con Filmin.

Filmin permíteche ter ata 5 dispositivos rexistrados e realizar ata 2 reproducións simultáneas. Non está dispoñible para dispositivos rooteados ou con jailbreak. Ademais de ver os contidos a través de Agile TV, podes acceder a Filmin dende os seguintes dispositivos compatibles sen necesidade de descodificador:

• Smart TVs LG e Samsung (modelos a partir de 2012).
• Smart TVs Sony, Philips e Sharp con Android TV.
• Móbiles e tabletas iOS e Android.
• PC e Mac.
• Chromecast e Apple TV.
• Dispositivos Amazon (Fire TV Basic Edition, Fire TV Stick 2ª xeración e Fire TV Stick 4K).
• PlayStation.
• Ademais, podes ver o contido completo a través da aplicación de Filmin e na web filmin.es

O cargo do servizo de Filmin aparecerá desglosado na túa factura de Toxo, de maneira clara, xunto cos outros servizos que contrates.

Para solucionar problemas técnicos ou consultar información xeral e comercial sobre Filmin, contacta enviando un correo electrónico a contacto@filmin.es. Ten en conta que Filmin non dispón de atención telefónica e xestiona todas as consultas a través deste correo.