Aínda non sabes o que é a Dorna? Entón estás a piques de descubrir unha das festas máis tolas, mariñeiras e divertidas da Galicia. E se xa a coñeces, sabes que non hai verán sen Dorna, nin Dorna sen caos organizado, probas absurdas e moita retranca.

Dende Toxo (que tamén nacemos en Ribeira) traémosche esta guía rápida para que non quedes fóra do que realmente importa nesta celebración única.

O Exame de Patróns

Se queres sentirte parte da festa, o primeiro é convertirte oficialmente en dorneiro/a. É un acto simbólico no que recibes o título honorífico, unha aperta da Cofradía e, como non, unha dose de humor marca da casa. Este ano o discurso do Exame virá da man de Viman Style.

A Rejata de Embarcacións Feitas á Machada e Propulsadas a Pan de Millo

Un clásico da Dorna. Aquí non verás barcos elegantes, senón artefactos flotantes (ou non tanto) feitos con calquera cousa que se che ocorra: portas, bidóns, colchonetas, bañeiras…

Gaña quen máis risas saque, non quen chegue primeiro.

O Jran Prix de Carrilanas

Carrilanas sen motor indo costa abaixo a todo trapo? Claro que si. Prepárate para ver o mellor (e o peor) da enxeñaría dorneira, todo aderezado con disfraces e emocións fortes.

O Voo sen Motor

Non hai Dorna sen Voo sen Motor. Esta proba xa é lenda: consiste en lanzarse dende unha rampa ao mar cun artefacto voador construído na casa… ou nun garaxe con moita imaxinación e pouca lóxica. O obxectivo non é gañar, senón caer con estilo (ou non caer antes de tempo). Ás veces voan, ás veces non. Pero sempre fan rir.

Os concertos e o ambiente

A Dorna tamén é música, troula e moita risa. Pola noite, Ribeira énchese de vida con concertos e festas para todos os gustos. E de balde, como debe ser.

E de bonus: a retranca Por riba de todo, a Dorna é un espazo onde a retranca manda, onde todo se fai co corazón e coa cabeza un pouco tola (pero sanamente).

En resumo: se non vas, pérdelo ti!

A Dorna non se explica, vívese. Así que xa sabes, colle o sombreiro, afina as cordas vocais e ven gozar da festa máis libre e salitrada do verán.

-

PROGRAMA DA FESTA DA DORNA

 

Datas: do 18 ao 24 de xullo de 2025 e Acto Final o día 09 de agosto de 2025

Lugar: Ribeira (A Coruña)

 

 

 

 

 

 

 

 

 

 

Venres 18 de xullo

09:59h Satenta e Sete Badaladas

11:11h O Facho Dorneiro recorre as rúas e máis as prazas

12:28h XI Ruta de Tapas Estrelas Mijelín

16:07h XXXIV Enjalanamento das Fanequeiras

21:57h Macroqueimada

22:29h Sirimonia de Inisiasión co tan esperado Prejón con Aida Tarrío, das Tanxugueiras

 

Sábado 19 de xullo - Día do Orjullo Jaiteiro

10:57h Pasarrúas e Música

12:21h X Ruta de Tapas Estrella Mijelín

15:32h Jran Folión 17:03h XXXIII Xojos e Deportes Populares de Terra

22:12h XXXIV Sertamen Itinerante da Cansión de Tasca

 

Domingo 20 de xullo

16:15h Exposisión de Carrilanas

18:02h Subida das Carrilanas

19:01h XXXIV Jran Prix de Carrilanas

23:31h Vídeo Maping 23:57h RockAndDorna: Banda Xangai

 

Luns 21 de xullo

15:56h RockAndDorna: El Clan de los Impostores

17:03h Trinautlón Dorneiro

18:32h Pesca do Parrulo

 

Martes 22 de xullo

11:02h VI Maratasón Infantil

16:06h Maratasón

00:31h Batalla de Jallos

 

Mércores 23 de xullo

16:32h XXXIII Voo sen Motor

17:41h XXXIII Xojos de Mar

17:58h Jran Basar Asosiativo

22:31h XXXIV Exame de Patróns

 

Xoves 24 de xullo - O día da Dorna

11:43h Exposisión de Embarcasións

14:47h XXXV Rejata Cutre Shark de Embarcacións Feitas á Machada e Propulsadas a Pan de Millo

15:15h Romaría Dorneira

18:36h Campionato Mundial de Chinchimonei

22:28h RockAndDorna Monolius Dop

02:22h Arriada de Pañoleta

 

Sábado 9 de agosto – Acto Final

21:32h Sea-Baile da Jala

 

-

Portada: El Correo Gallego [https://www.elcorreogallego.es/concellos/2024/07/24/divertida-regata-embarcasions-feitas-machada-106043178.html]